माजी गृहमंत्री अनिल देशमुख यांना दिलासा नाहीच…!

मुंबई (18 जानेवारी) : अनिल देशमुख यांच्या डिफॉल्ट जामीन अर्ज मुंबईतील विशेष पी एम एल ए कोर्टने फेटाळला, मनी लाँडरिंग प्रतिबंधक कायद्यांतर्गत (विशेष पीएमएलए न्यायालयातील न्यायाधीश आर.एन.रोकडे यांनी हा आदेश दिला. अंमलबजावणी संचालनालयाने दाखल केलेल्या 5000 पानी पुरवणी आरोपपत्रानंतर अनिल देशमुखांतर्फे विशेष पिएमएलए कोर्टात जामिनासाठी अर्ज दाखल करण्यात आला होता.

अनिकेत निकम यांच्यामार्फत दाखल केलेल्या अर्जात देशमुख यांनी म्हटले होते की, फौजदारी प्रक्रिया संहिता (सीआरपीसी) कलम १६७ अन्वये विहित केलेल्या वैधानिक कालावधीत ६० दिवसांच्या कालावधीत आरोपपत्राची विशेष न्यायालयाने कोणतीही दखल न घेतल्याने, वैधानिक जामीनसाठी अनिल देशमुख पात्र आहे.

देशमुख यांचे वकील, वरिष्ठ अधिवक्ता विक्रम चौधरी यांनी युक्तिवाद केला की, पहिल्या रिमांडची तारीख वगळून, 60 दिवसांचा कालावधी उलटला आहे आणि कलम 167 नुसार पुढील कोठडीवर वैधानिक बंदी आहे.

एड चौधरी यांनी दावा केला की ईडीने वरील वस्तुस्थितीचा खुलासा न करता 27 डिसेंबर 2021 रोजी देशमुखची न्यायालयीन कोठडी 9 जानेवारी 2022 पर्यंत कोर्टाकडून वाढवली होती, जी त्यांनी कायद्याने अयोग्य असल्याचे कोर्टात संगीतले.

दरम्यान, अंमलबजावणी संचालनालयाने (ईडी) अधिवक्ता श्रीराम शिरसाट यांच्यामार्फत दिलेल्या उत्तरात म्हटले आहे की एकदा आरोपपत्र आणि/किंवा पुरवणी आरोपपत्र दाखल केल्यानंतर न्यायालयाकडून वैधानिक जामिनाचा विचार केला जाऊ शकत नाही.

अतिरिक्त सॉलिसिटर जनरल अनिल सिंग यांनी न्यायालयाला सांगितले की देशमुख यांच्याविरुद्ध पुरवणी आरोपपत्र 29 डिसेंबर 2021 रोजी दाखल करण्यात आले होते, जे अटकेच्या तारखेपासून (2 नोव्हेंबर 2021) मोजल्याच्या 60 दिवसांच्या कालावधीत होते.

कलम 167(2) केवळ निर्धारित वेळेत तपास पूर्ण करण्याशी संबंधित असल्याने डिफॉल्ट जामिनाचा अधिकार निश्चित करण्यासाठी संज्ञानात्मकतेचा प्रश्न अप्रासंगिक आहे, असा युक्तिवाद त्यांनी केला होता.

केंद्रीय अन्वेषण ब्यूरो (CBI) ने भ्रष्टाचार आणि त्याच्या अधिकृत पदावरून हक्कांच्या गैरवापराच्या आरोपांबाबत न्यायालयाच्या निर्देशानुसार चौकशी केल्यानंतर प्रथम माहिती अहवाल (FIR) दाखल केल्यानंतर ईडीने सुरू केलेल्या तपासासंदर्भात देशमुख 15 नोव्हेंबर 2021 पासून न्यायालयीन कोठडीत आहेत.
त्याच बरोबर, देशमुख यांनी समन्सला मुंबई उच्च न्यायालयात आव्हान दिले होते, उच्च न्यायालयाने त्यांची याचिका फेटाळून लावली आणि त्यांना अटकपूर्व जामिनासाठी योग्य न्यायालयात जाण्यासाठी निर्देश दिले.
अनिल देशमुखांना 2 नोव्हेंबर रोजी ईडीनं मनी लाँड्रिंग प्रकरणात केलीय अटक ,सध्या आर्थर रोड जेल मध्ये अनिल देशमुख यांच वास्तव्य