कारेगाव : शिरुर तालुक्यातील कारेगावच्या प्रभारी सरपंचपदी तुषार प्रकाश नवले यांची निवड झाली असुन पुर्वीच्या सरपंच निर्मला शुभम नवले यांनी राजीनामा दिल्याने रिक्त झालेल्या सरपंच पदावर तुषार नवले यांची प्रभारी सरपंच म्हणुन निवड झाली आहे.
कारेगाव पंचवार्षिक ग्रामपंचायत निवडणुक सन २०२३ मध्ये तुषार नवले यांची सदस्य म्हणुन निवड झाली. कारेगाव ग्रामस्थांनी तरुण असलेल्या तुषार यांना गावाचा विकास करण्यासाठी ग्रामपंचायत सदस्य म्हणून निवडून दिले. सदस्य असताना त्यांनी अनेक उपक्रम राबवले आहे. त्याचप्रमाणे ग्रामपंचायतीच्या मासिक बैठकीत त्यांनी गावाच्या हितासाठी विविध उपाययोजना देखील सुचवल्या आहेत. याचाच विचार करून सरपंच निर्मला नवले आणि सर्व सदस्यांनी तुषार नवले यांना उपसरपंच पदावर काम करण्याची संधी दिली आहे. ‘सोन्याहून पिवळ’ या म्हणीप्रमाणे अगदी काही दिवसांपूर्वी तुषार यांची उपसरपंच पदी निवड झाली होती. त्यातच आता कारेगावच्या सरपंच निर्मला नवले यांनी राजीनामा दिल्याने रिक्त झालेल्या पदावर योगायोगाने त्यांची प्रभारी सरपंच म्हणुन निवड झाली आहे. या निवडीनंतर कारेगाव ग्रामस्थांसह सगळीकडुन तुषार नवले यांच्यावर अभिनंदनाचा वर्षाव होत आहे.
Add Comment