शिरूर : रांजणगाव एमआयडीसी परिसरात कामावर जाणाऱ्या कामगारांना चाकूचा धाक दाखवून लुटणाऱ्या दोन आरोपींना पोलिसांनी केवळ 48 तासांत जेरबंद केले आहे.दोनही आरोपींकडून गुन्ह्यातील एकूण 60,000 रुपयांचा मुद्देमाल जप्त करण्यात आला आहे.
पोलिसांनी दिलेल्या माहितीनुसार, दि.०७ नोव्हें.२०२५ रोजी कंपनीत जाणाऱ्या कामगारांना थांबवून त्यांच्याकडील मोबाईल फोन आणि रोकड काढून घेण्याचा प्रकार घडला होता. गुन्ह्याची दखल घेत पोलिस निरीक्षक महादेव वाघमोडे यांच्या मार्गदर्शनाखाली या घटनेचे सीसीटीव्ही तपास, तांत्रिक विश्लेषण आणि गुप्त माहितीच्या आधारे सौरभ बाळकृष्ण शेलार ( वय.२५, रा.कारेगाव, ता.शिरूर, जि.पुणे, मूळ रा. पवन नगर झापवाडी, ता.सिन्नर जि. नाशिक ) व मनीष भास्कर काळबांडे ( वय.२३,रा.कारेगाव, ता.शिरूर, जि.पुणे, मूळ रा.ढाबा ता. वडनेरा, जि.अमरावती ) यांना अटक करण्यात आली आहे.दोनही आरोपींकडून मोबाईल, रोख रक्कम व इतर साहित्य असा 60 हजारांचा मुद्देमाल जप्त करण्यात आला आहे.
ही कारवाई पोलीस अधीक्षक पुणे संदीप गिल्ल, अप्पर पोलीस अधीक्षक पुणे विभाग रमेश चोपडे, पोलिस उपअधीक्षक शिरूर विभाग प्रशांत ढोले यांच्या मार्गदर्शनाखाली पोलिस निरीक्षक महादेव वाघमोडे, दत्तात्रय शिंदे, पोलीस कॉन्स्टेबल उमेश कुतवळ, योगेश गुंड, किशोर शिवणकर, विजय सरजिने या पोलिस पथकाने केली आहे. आरोपींना न्यायालयात हजर करण्यात आले असून आणखी लुटमार प्रकरणे उघडकीस येण्याची शक्यता आहे. पुढील तपास फौजदार दत्तात्रय शिंदे, पो. ह. विजय सरजिने करत आहेत.
Add Comment