रांजणगाव : पुणे जिल्ह्यातील पंचतारांकित असलेल्या रांजणगाव एमआयडीसी पोलिस ठाण्याच्या हद्दीत दहशत माजविण्याच्या उद्देशाने बेकायदेशीर पिस्टल बाळगल्या प्रकरणी बाभुळसर येथील एका आरोपीस पोलिसांनी अटक केली आहे. याप्रकरणी रांजणगाव पोलिसांनी गुन्हा दाखल केला असून यात आरोपींची आणखी साखळी आहे का याबाबत पोलीस तपास करत आहेत.
पोलिसांनी दिलेल्या माहितीनुसार, एमआयडीसी पोलीस स्टेशन हद्दीतील औ‌द्योगीक वसाहतीमध्ये मोठ्या प्रमाणावर परप्रांतीय कामगारवर्ग असल्याने त्यांच्या मदतीने परराज्यातुन अवैधरित्या पिस्टल सारखे अग्नीशस्त्रे मागविले जातात. पोलीस अधिक्षक पंकज देशमुख यांनी आगामी विधानसभा निवडणुकीचे अनुषंगाने पुणे जिल्ह्यामध्ये अवैध अग्नीशस्त्रे बाळगणा-या इसमाविरुध्द कारवाई करणेबाबत आदेश दिले होते. त्यानुसार पोलीस निरीक्षक महादेव वाघमोडे यांनी अशा प्रकारे अवैधरीत्या अग्नीशस्त्रे बाळगणा-या रेकॉर्डवरील आरोपींबाबत माहिती काढुन कारवाई करणे बाबत तपास पथकास सुचना दिलेल्या आहेत.
दि.२६.१०.२०२४ रोजी पोलीस निरीक्षक महादेव वाघमोडे यांना बातमीदारामार्फत बातमी मिळाली की, कारेगाव कर्डे रोडलगतच्या भूत बंगला सुशांत कराळे ( रा. बाभुळसर खुर्द ) हा चॉकलेटी रंगाचा शर्ट घालुन पिस्टल बेकायदेशीरपणे जवळ बाळगुन येणार असल्याची माहिती मिळाली होती. त्यानुसार पोलीस निरीक्षक महादेव वाघमोडे यांनी पोलीस उपनिरीक्षक अविनाश थोरात, सहा. फौज. दत्तात्रय शिंदे, पो.कॉ. उमेश कुतवळ, पो.हवा. विलास आंबेकर यांना योग्य त्या सुचना देवुन सापळा कारवाई कामी पाठविले. त्यानुसार तपास पथकाने कारेगावचे हद्दीतील कारेगाव ते कर्डे रोडलगतच्या भुत बंगला येथे सापळा लावुन थांबलेले असतांना त्यांना एक संशयीत व्यक्ती दुपारच्या सुमारास मिळुन आला. त्याची सोबतच्या पंचासमक्ष अंगझडती घेतली असता त्याच्याकडे ३५,५०० रु. किंमतीचे एक सिल्व्हर रंगाचे लोखंडी पिस्टल, व एक जिवंत काडतुस असे बेकायदेशीररिच्या जवळ बाळगले स्थितीत मिळुन आले आहे. पोलिसांनी त्याची चौकशी केली असता त्याचे नाव सुशांत रमेश कराळे ( वय २७ वर्षे, रा. बाभुळसर खुर्द, ता. शिरुर, जि. पुणे ) असे असल्याचे सांगीतले आहे. याप्रकरणी आरोपी कराळे विरोधात गुन्हा दाखल करण्यात आला आहे.
सदरची कामगीरी पंकज देशमुख ( पोलीस अधिक्षक,पुणे ग्रामीण ), रमेश चोपडे (अप्पर पोलीस अधिक्षक पुणे ), प्रशांत ढोले (उपविभागीय पो. अधिकारी शिरुर विभाग ) यांचे मार्गदर्शनाखाली पोलीस निरीक्षक महादेव वाघमोडे, पोलीस उपनिरिक्षक अविनाश थोरात, सहा. फौज. दत्तात्रय शिंदे, पो.कॉ. उमेश कुतवळ, पो.हवा. विलास आंबेकर यांनी केली आहे. सदर गुन्हयांचा पुढील तपास पो.हवा. अभिमान कोळेकर, रांजणगाव एमआयडीसी पोलीस स्टेशन हे करीत आहेत.सुशांत रमेश कराळे हा सराईत गुन्हेगार असुन त्याच्याविरुध्द यापुर्वी खुनाचा व आर्म अॅक्टचा गुन्हा दाखल आहे.
सदर आरोपीकडून यापुर्वी देखील फेब्रुवारी २०२४ मध्ये अशाच प्रकारचे एक पिस्टल बाळगले प्रकरणी गुन्हा दाखल करण्यात आलेले आहे. सदर आरोपी विरुध्द पोलिसांनी तडीपारीचा प्रस्ताव सादर करण्यात आलेला असुन त्याला लवकरच पुणे जिल्ह्यातुन तडीपारीचा आदेश काढण्यात येणार आहे. तसेच सदर आरोपीने सदरचे पिस्टल कोणाकडुन आणले आहे व त्याचा सदरचे पिस्टल बाळगण्याचा नेमका काय उद्देश आहे, याबाबत तपास सुरु असल्याची माहिती पोलीस निरीक्षक महादेव वाघमोडे यांनी दिली आहे.
Add Comment